წარსული ზაფხული – Qartulad

პანსიონატ “თეთრი სასტუმროს” ბიუროკრატი დირექტორი შეიტყობს, რომ დამსვენებელთა შორის ინკოგნიტოდ იმყოფება კინორეჟისორი, რომელიც თავისი მომავალი ფილმისთვის მასალას აგროვებს და პანსიონატის ცხოვრებას აკვირდება. რეჟისორად რატომღაც დასასვენებლად ჩამოსულ თერძს მიიჩნევს და მის საამებლად პანსიონატში სასტიკ რეჟიმს დააწესებს. დირექტორის ღონისძიებებით თავმობეზრებული დამსვენებლების გასართობად ელიკო, კინომსახიობობაზე მეოცნებე ოფიციანტი გოგონა, ახალგაზრდების დახმარებით კონცერტს მოაწყობს. კონცერტში თავადაც მონაწილეობს. ქალიშვილით და მისი ნიჭიერებით მოხიბლული ნამდვილი რეჟისორი ნოდარი მას ფილმში გადასაღებად მიიწვევს.